Gaalkacyo (Bosaso Online)Â Idaacadda VOA, laanteeda ku hadasha afka Soomaaliga ayaa maalmihii lasoo dhaafay hawada ka maqnayd, iyadoo si weyn looga tabay dhammaan dhulka Soomaalidu degto oo aad looga dhageysan jiray wararka iyo barnaamijyada ka baxa idaacadda oo ahaa kuwa taabanaya dhinacyada dhaqanka, dhaqaalaha, Arrimaha Bulshada iyo siyaasadda oo ay ahayd Hay’adda warbaahineed ee loogu dhageysiga badan yahay.
10 sano ee lasoo dhaafay, in kabadan 45% bulshada Soomaaliyeed ayaa u ahaa dhageystayaal idaacadda VOA, waxaana sidoo kale ay ahayd idaacad ay ku gudbiyaan cabashooyinka la xiriira hab-nolaleedkooda iyo caqabadaha lasoo gudboonaada, kuwaas oo isugu jira duruufo ka dhasha isbedelka cimillada, colaaddaha, argagixisada iyo is diidooyinka siyaasadeed ee ka jira Gudaha Soomaaliya.
VOA ayaa ah Hay’ad ay ka howlgeli jireen suxufiyiin Soomaaliyeed, kulmisayna aqoonyahano iyo haldoor Soomaaliyeed oo aragtiyo wax ku ool ah kusoo gudbin jiray Idaacadda.
Ka maqnaanshaha VOA ayaa durbaba si weyn looga dareemay gudaha Soomaaliya, xilli dadka kunool miyiga oo ay u ahayd Hay’adda warbaahineed ee ay dhageystaan ay walaac ka muujinayaan ka maqnaanshaheeda Hawada, maadama ay wararka iyo barnaamijyada ka baxa idaacadda ay taaban jireen nolal maalmeedkooda, kuna go’aan qaadan jire
BOSASO ONLINE
