Hay’adda Tayo dhowrka Puntland ayaa fagaare ku yaalla duleedka magaalada Boosaaso ku gubtay badeecad ka kooban ‘timir iyo faasuliyad (Digir)’, oo ay ku daadatay NAAFTO ayna gacanta ku dhigeen kooxda dabagelka ee Hay’addu.
Sida uu sheegay sarkaal sare oo katirsan Hay’adda Tayo dhowrka Puntland – badeecadan ayaa la qabtay 6 bishan July, iyadoo sheybaar lagu sameeyay kaddib, la ogaaday in aysan isticmaali karin dadka iyo duunyadu, ayna tahay in la gubo, taasna ay maanta fuliyeen.
Waxaa uu xusay inay u taagan yihiin ka hortagga badeecadaha dhacay iyo kuwa xumaaday, ee lasoo gelinayo deegaanada Puntland, si looga gaashaanto cudurada ka dhalan kara badeecadahan.
BOSASO ONLINE
