Wasiirka Duulista Hawada iyo Garoomada diyaaradaha dawladda Puntland, Hon Ilyas Osman Lugatoor ayaa maanta ka daahfuray garoonka diyaaradaha magaalada Boosaaso diyaarad local ah oo lagu magacaabo ‘Dalsan Air’, taas oo duulimaadyo gudaha ah ka sameynaysa deegaannada Puntland.
Diyaaradda Dalsan Air oo qaadi doonta 12 qof, ayaa u kala socdaali doonta degmooyinka Garoowe, Boosaaso, Gaalkacyo, Buuhoodle, Caluula iyo Badhan.
Wasiir Ilyaas Cusmaan Lugatoor ayaa sheegay in diyaaradan ay u wada furan yihiin dhamaan garoomada diyaaradaha Puntland, lagana qaadi doonin wax khidmad ah, si loo dhiirageliyo hormarka, isagoo ku booriyay shacabka Puntland inay ka faa’ideystaan fursadan muhiimka ah.
