Xildhibaanada Golaha Shacabka BJFS ayaa maanta oo sabti ah codka kalsoonida ah u qaadi doono Ra’iisul Wasaaraha magacaaban ee XFS Xamze Cabdi Barre.
Farriin loo diray Xildhibaanada Golaha Shacabka ayaa lagu wargeliyay inay soo xaadiraan kulanka oo ka dhacay xaruntooda KMG ah ee Villa Hargeysa.
“Beri oo Sabti ah 25 June waxaa jira kulan-weynihii Golaha Shacabka Baarlamaanka jamhuuriyadda federaalka Soomaaliya. Ajendaha kulanka u codeynta kalsooni siinta R/Wasaaraha magacaaban. Goobta _ Xarunta Golaha Shacabka ee Villa Hargeisa. Wakhtiga – 09.00 Subaxnimo”.
Ra’iisul Wasaaraha magacaaban, ayaa maalmihii u dambeeyay waday dadaalo ku aadan in uu helo codka kalsoonida ah ee Golaha Shacabka BJFS, oo uu xubin ka yahay. Waxaana uu kulamo gaar gaar ah la qaatay Xildhibaanada, iyo xubnaha saameynta ku dhex leh, sida Madaxweynayaashii hore ee DFS Shariif Sheekh Axmed iyo Maxamed Cabdullaahi Farmaajo.
PUNTLAND TIMES
