Maxkamadda darajada kowaad ee Ciidamada qalabka sida Puntland ee goballada Mudug iyo Cayn ayaa xukuno dil ah ku riday Shabakado katirsan kooxda Al-Shabaab, kuwaas oo ka howlgalayay gobalka Mudug.
Abuukar Cabdi Cabdiraxmaan (Goobbe), oo ah 52 sano jir iyo Salaad Cabdullaahi Cabdi oo ah 28 sano jir, ayaa Maxkamadda Ciidamada Puntland ku ridday xukun dil ah, kaddib markii ay kahor qirteen inay ka dambeeyeen dilkii Nabaddoon Cabdiqani Xasan Waloore, oo 16kii bishii June ee sannadkan ka dhacay magaalada Gaalkacyo.
Sidoo kale, Maxkamadda ayaa xukun dil ah ku riday Rag kamid ah Al-Shabaab, kuwaas oo lagu qabtay degmada Goldogob, xilli ay wateen gaari sidday walxaha qarxa.
BOSASO ONLINE
