Dagaal culus, oo u dhexeeya labo maleeshiyo beeleed ayaa aroornimadii saaka dib uga bilowday deegaanka Buq-Qalooc ee degmada Towfiiq ee gobalka Mudug, iyadoo la isku adeegsanayo hubka noocyadiisa kala duwan.
Inta la xaqiijiyay 13 qof ayaa ku geeryooday dagaal shalay ka dhacay deegaanka Buq, halka ay ku dhaawacmeen in kabadan 25 ruux.
Dadaalo lagu joojinayay colaadda, ayna horkacayeen masuuliyiin katirsan Puntland ayaa guuldareystay.
Gobalka Mudug ayaa bilihii lasoo dhaafay, waxaa ka dhacayay dagaal beeleedyo isa soo taraya, iyadoo maamullada Puntland iyo Galmudug oo ku baxay dhinacyada dagaalamaya ay ku guuldareesteen in la joojiyo, heshiisna la dhex dhigo beelaha dirirtu u dhexeyso oo qaarkood kasoo kala jeedaan labada maamul.
BOSASO ONLINE
