Wasiirka Caafimaadka Puntland, Dr. Jaamac Faarax Xasan ayaa u magacaabay Dr. Maxamed Xasan Jawte ‘Madaxa Caafimaadka degmadda Bursaalax ee gobalka Mudug’.
Wareegto kasoo baxday xafiiska Wasiir Jaamac faarax ayaa lagu sheegay in magacaabista Dr. Jawte ay ku timid baahi loo qabo, isagoo faray in uu si wanaagsan u guto waajibaadkiisa shaqo.
Dr. Maxamed Xasan Jawte ayaa kamid ah dhakhaatiirta dhalinyarada ah ee ka howlgasha isbitaalka degmadda, waxaana sidoo kale magaalada uu ku leeyahay xarun caafimaad oo loogu adeego bulshada, taas oo lagu magacaabo “Shaafici”.
Bursaalax oo kamid ah degmooyinka cusub ee Puntland, uuna magacaabay Madaxweynihii hore ee Puntland Cabdiweli Maxamed Cali Gaas, ayaa sannadihii u dambeeyay sameynaysay hormar baaxad leh. Magacaabista Dr. Maxamed Jawte ayaa la filayaa inay qeyb ka qaadato hormarinta adeegyada caafimaad ee degmadda Bursaalax.
BOSASO ONLINE
