Madaxweynaha Jubbaland, Axmed Maxamed Islaam (Madoobe) ayaa magacaabay Guddiga Madaxa banaan ee Xudduudaha iyo Doorashooyinka Jubbaland, kaas oo ka kooban 7 xubnood.
Xubnaha Guddiga ayaa la filayaa in si degdeg ah isaga dhex doortaan Guddoomiye, Guddoomiye kuxigeenka iyo Xoghaye, iyagoo intaa kaddib guda gali diyaarinta habraacyada doorasho gaar ah oo Jubbaland qabsato gudaha bishan November.
Tan ayaa ka dhigan in MW Axmed Madoobe – uu go’aansaday in uu dib isu doorto, si uu muddo-xileed cusub ugu helo miiska go’aanada siyaasadeed ee Soomaaliya oo fadhiyay 15 sano ee lasoo dhaafay.
Is doorashada Madoobe ayaa hadda wajahaysa loollan adag oo uga imaanaya DFS, iyadoo MW Xassan Shiikh uu u arko geeri siyaasadeed iyo dhammaadka qorshihiisa doorasho qof iyo cod ah. Sidoo kale, Ra’iisul Wasaaraha XFS, Xamze Cabdi Barre oo 5 sano kahor ahaa Guddoomiyaha Guddiga dib u doorashada Axmed Madoobe ayaa magacaabista Guddigan uga dhigan tahay maalmo adag oo suuragal ay tahay in ay soo gabagabeyso joogistiisa xafiiska.
BOSASO ONLINEÂ
