Madaxweynaha Somaliland, Muuse Biixi Cabdi ayaa kulan kula qaatay Madaxtooyada Hargeysa Safiirka Dawladda Faransiiska u fadhiya dalka Kenya, Amb. Aline KUSTER-MENAGER iyo wefti ay hoggaaminayso.
Kulanka ayaa looga wada-hadlay xariirka Somaliland iyo Faransiiska, sidii loo xoojin lahaa, doorashooyinka ku soo fool leh Somaliland, iskaashiga dhinaca ganacsiga iyo wada-hadalada Somaliland iyo Soomaaliya ee hakadku ku yimi.
Madaxtooyada Somaliland ayaa sheegtay in kulanka oo u wehelinaayey Madaxweynaha, Wasiirka Arrimaha Dibeda iyo Iskaashiga Caalamiga ah Dr. Ciise Keyd Maxamuud, uu kusoo dhamaaday Isfahan iyo wadashaqayn.
BOSASO ONLINE
