Qaramada Midoobay ayaa sheegtay in 22 Milyan oo qof oo ku nool Geeska Afrika, ay qarka u saaran yihiin macaluul, iyadoo kolkii hore ay tiradu aheyd sagaal milyan bilowgii sanandkan.
Hey’adda Qaramada Midoobay u qaabilsan dhanka Cunnada ee WFP, ayaa sheegtay in afar xilli roobaad oo xiriir ah oo baaqday ay dadka ku nool dalalka Kenya, Itoobiya, iyo Soomaaliya baday inay qarka u saaran yihiin macaluul.
In ka badan hal milyan oo qof, ayaa ka hayaamay hoygoodii, iyagoo baadi goobahaya cunno iyo biyo.
Hey’adda u qaabilsan caafimaadka Qaramada Midoobay ee WHO, ayaa waxay sheegtay in dunidu u tabaabusheysato wax ka qabashada sidii looga hortagi lahaa macaluul isku badali karta masiibo.
Yabooh lacageed oo aheyd in lagu deeqo bishii Janaayo ina dhaaftay, ayaa sidii looggu tala galey lacagihii aanay usoo xaroon.
Dagaalka Ukraine, ayaa loo weeciyey deeqihii, halka ay lasoo darseen caqabado qulqulka maraakiibta qaada shixnadaha Ukraine ee ka ganacsiga Qamadiga.
