illaa 53 qof ayaa dhintay, halka tiro kalena weli la baadi doonayo, ka dib roobab maahiigan ah oo maalmahan ka da’ayey dalka Iran.
Roobabka oo ay ka dhasheen daadad xooggan iyo weliba dhul-go’, ayaa saameeyey illaa 400 oo ah magaalooyin iyo tuulooyin ku yaalla 18 gobol oo ka mid ah 31-ka gobol ee uu ka kooban yahay dalka Iran. Waxaana hakad ku yimi isu socodkii gaadiidka ka dib markii ay xidhmeen waddooyin waaweyni.
Ururka Bisha Cas, ee dalka Iran ayaa sheegay in 16 qof ay weli maqan yihiin ka dib laba maalmood oo ay da’ayeen roobab xooggani.
BOSASO ONLINE
