Waddooyin cusub oo loo dhisay si casri ayaa laga hirgaliyay caasimadda Puntland ee Garoowe, kuwaas oo kala ah waddada suuqa Ariga ee INJI, waddada 30-ka qeybteeda cusub iyo waddada Towfiiq.
Duqa caasimadda Garoowe Hon: Ahmed Said Muse, ayaa sheegay in waddooyinka cusub oo dhowaan loo furi doono bulshada, ay gaba-gabo u yihiin wajiga 1-aad ee waddooyinkii qorsheysnaa sannadkan.
Sidoo kale, Duqa caasimadda oo qoraal soo dhigay bartiisa Facebook ayaa xusay in la bilaabi doono wajiga labaad oo ka kooban dib u dhiska waddada 30-ka qeybteeda hore, waddada saddex Xidigood ilaa Barakacayaasha iyo waddada Isbitaalka Guud ilaa Jaamacadaha.
Ugu danbeyn, Shacabka ayuu ugu baaqay Guddoomiye Axmed Barre inay illaashadaan hantida guud.
“Waxaan dadweynaha ka codsanayaa inay illaashadaan hantida guud ee ka dhexaysa. Garoowe Guul iyo Horumar”
BOSASO O NLINE
