Baarlamaanka Puntland oo weli ku guda-jira la-xisaabtanka Xukuumadda, ayaa maanta yeeshay kalankoodii caadiga ahaa, kaas uu shir-guddoomiyay Guddoomiye Cabdirashiid Yuusuf Jibriil.
Kulanka maanta ayaa waxaa hortagay Baarlamaanka, masuuliyiinta Wasaaradda Cadaaladda Puntland oo uu horkacayo Wasiir Cawil Sheekh Xaamud, iyo Ku-simaha Taliyaha ahna Taliye kuxigeenka 2-aad ee Ciidanka Asluubta Puntland.
Wasiir Cawil Sheekh Xaamud ayaa Golaha uga warbixiyey shaqada ay Wasaaradda u xil saaran tahay ee Dastuuriga ah, qorsheyaasha iyo caqabadaha jira. Intaas kadib, Xildhibaannada ayaa Wasiirka wax ka weydiiyey arrimaha Caddaalada, Dhaqancelinta iyo Xabsiyadda Puntland.
BOSASO ONLINE
